اگر یہ کہہ دو بغیر میرے نہیں گزارہ تو میں تمہارا
یا اس پہ مبنی کوئی تأثر کوئی اشارا تو میں تمہارا
غرور پرور انا کا مالک کچھ اس طرح کے ہیں نام میرے
مگر قسم سے جو تم نے اک نام بھی پکارا تو میں تمہارا
تم اپنی شرطوں پہ کھیل کھیلو میں جیسے چاہے لگاؤں بازی
اگر میں جیتا تو تم ہو میرے اگر میں ہارا تو میں تمہارا
تمہارا عاشق تمہارا مخلص تمہارا ساتھی تمہارا اپنا
رہا نہ ان میں سے کوئی دنیا میں جب تمہارا تو میں تمہارا
تمہارا ہونے کے فیصلے کو میں اپنی قسمت پہ چھوڑتا ہوں
اگر مقدر کا کوئی ٹوٹا کبھی ستارا تو میں تمہارا
یہ کس پہ تعویذ کر رہے ہو یہ کس کو پانے کے ہیں وظیفے
تمام چھوڑو بس ایک کر لو جو استخارہ تو میں تمہارا
عامر امیر
Agar ye kah do baġhair mere nahīñ guzāra to maiñ tumhārā
yā us pe mabnī koī ta.assur koī ishārā to maiñ tumhārā
ġhurūr-parvar anā kā mālik kuchh is tarah ke haiñ naam mere
magar qasam se jo tum ne ik naam bhī pukārā to maiñ tumhārā
tum apnī shartoñ pe khel khelo maiñ jaise chāhe lagā.ūñ baazī
agar maiñ jiitā to tum ho mere agar maiñ haarā to maiñ tumhārā
tumhārā āshiq tumhārā muḳhlis tumhārā sāthī tumhārā apnā
rahā na in meñ se koī duniyā meñ jab tumhārā to maiñ tumhārā
tumhārā hone ke faisle ko maiñ apnī qismat pe chhoḌtā huuñ
agar muqaddar kā koī TuuTā kabhī sitārā to maiñ tumhārā
ye kis pe ta.avīz kar rahe ho ye kis ko paane ke haiñ vazīfe
tamām chhoḌo bas ek kar lo jo istiḳhāra to maiñ tumhārā
AMIR AMEER
0 Comments